نكت سياسية
الريس جمع البابا شنودة وشيخ الازهر وقال لهم " خلاص انا قررت اورث أبنى الحكم من بعدى "
رد البابا "لا اله الا الله ، محمد رسول الله " ... فاندهش الشيخ طنطاوى وسأله " انت اسلمت يا بابا ؟؟؟؟ " ... فرد البابا " ماهى حاجه تخلى الواحد يكفر يا شيخ"
اخر خبر : اسرائيل تعرض اعطاء حيفا مقابل اخد هيفا ... الشارع العربي يصرخ الف حيفا ولا شعره من هيفا .... العرض قبل الارض
بعد إعجاب الرئيس باللاعب حازم إمام اثناء مشاهدته من المقصورة لمباراة مهمة.. أخبره أحد الجالسين أن حازم إمام لاعب الزمالك هو ابن حمادة إمام
فى عيد ميلاد حفيد الريس ..كل وزير جابله هدية .. اللى جابله طيارة لعبة .. واللى جابله مسدس مية .. وزير الداخلية جابله تلات عربيات أمن مركزى وأربع مخبرين لعبة
بيقولك عملوا مسابقة دولية لصيد التعالب بين دول العالم ... كل فريق هايطلع الصحراء و نشوف هيصطادوا تعلب فى قد إيه زمن
الأمريكان: كاوبويز و أحدث أسلحة صيد ... أصطادوا ثعلب فى ساعة
الإنجليز: هوايتهم من زمان .. فبالخبرة و الحنكة ، أصطادوا ثعلب فى ساعتين
اليابان : معهم أحدث أقمار صناعية و كمبيوتر ... أصطادوا ثعلب فى 3 ساعات
العرب: أختاروا فريق مكون من ضباط الشرطة و المخابرات من كل دولهم .. قالوا دول اللى هيشرفوا العرب فى المواجهة الدولية ... المهم طلعوا ... ساعة .. أثنين .. ثلاثة.. ما رجعوش ... يوم ... أتنين ... ثلاثة... لسة ما رجعوش
اللجنة المنظمة خرجت تدور ليكونوا تاهوا ... لقوا كهف قريب و طالع منه دوشة و صوت خناق ... راحوا يشوفوا ... لاقوا ضباط الشرطة العرب ماسكين أرنب وكلهم نازلين فيه ضرب و هما بيقولوا له : قول أنا ثعلب ... قول أنا ثعلب ... قول أنا ثعلب
رئيس دولة عربية في طيارة ، قال نفسى أرمى مية دولار وأفرح عيلة عربية
مراتة قالتلة : إرمي خمسينتين وفرح عيلتين
ابنة قالة : خليها عشرينات وفرح خمسة عائلات
الريس أحتار ، فقال : أسال الطيار وآخد رأية
الطيار قالة : إرمى نفسك ، خلى الشعب كلة يفرح
مصري أهدى الرئيس سلحفاة هدية وقال له : السلحفاة ديه بتعيش 400 سنة ، قاله الريس : حنشوف !!