يا بلـــــد
يا بلـــــد
كل كرسى عليه حرامى
والحرامى عليه خفير
لجل يحرس حق سيده
والقيادة والوزير
والبلد صارت نهيبة
والفساد حالته رهيبة
واللى كان قيمة وسيما
صار يدوسه ابن الامير
***
يا بلد فطسانة خالص
ليه قانون فض المجالس
فرد كانز.. ألف كانس
والكبير ياكل الصغير
صرتى نانسى وصرتى روبى
والخراب اصبح وجوبى
واللسان يرطن خواجة
والصفير بدل النفير
***
يا بلد منهوبة ما لك
كنتى جنة ايه جرالك
الخراب حط فى رحالك
وانقتل فيكى الضمير
ليه قتلتى الحق بدرى
والسما ضلمة ف فجرى
والخطير اصبح هيافة
وأى هايف صار خطير
***
روشنوكى وأمركوكى
والبعاد رح يشنقوكى
وبالفضايح يفضحوكى
ويحفرولك ألف بير
صرتى غولة وكنتى زينة
صرتى خداعة ومشينة
واقترب سوء المصير
شعر سيد امين
Publicité